காலத்தால் நிச்சயம் அழியாது கௌசிகா நதி…1
நதியை மறந்தோமா…

ஒரு காலத்தில் கோவையின் வடக்கு மற்றும் தென்கிழக்குப் பகுதியின் செழுமைக்குக் காரணமாக இருந்தது கௌசிகா நதி. இந்த நதி தற்போது போதிய மழையில்லாமல் நீர்வரத்து இல்லாது புல் புதர்கள் மண்டிக்காடாக வரண்டு காட்சியளிக்கிறது.கௌசிகா நதி இருந்தது என்பது பலருக்குத் தெரியாத ஒன்று. அத்திக்கடவு அவிநாசி நிலத்தடி நீர் செறிவூட்டும் திட்டத்தில் கௌசிகா நதி பற்றிக் கேள்விப்பட்டு அதனைப்பற்றி அறிய வேண்டும் என்ற அவாவில் பூ.சா.கோ கலை மற்றும் அறிவியல் கல்லூரி மாணவர்கள் களம் இறங்கினர். இதற்கு அத்திக்கடவு கௌசிகா நதி மேம்பாட்டு சங்கத்தின் செயலாளரான திரு பிகே செல்வராஜ் அவர்களை அணுகினோம். அவர் முழு ஒத்துழைப்பு தர அவரது வழிகாட்டுதலில் கல்லூரி மாணவர்கள் கௌசிகா நதியின் தடத்தை கண்டறியும் முயற்சியில் இறங்கினர்.